Izartxok, bere Ibilbide Solidarioarekin, Bilbao Balioen Hiria 2025 Saria irabazi du
Izartxo aisialdi-proiektuak, La Salle Bilbori lotuak, Bilbao Balioen Hiria 2025 saria jaso du, Bilboko Udalak hiriko Balioen Gutunean jasotako balioak sustatzen dituzten ekimenei ematen diena. Ekitaldia ekainaren 5ean egin zen Udaletxeko Arabiar Aretoan, Juan Mari Aburto alkatea eta Eider Inunciaga zinegotzia buru zirela.
Aintzatespena “Ibilbide Solidarioa” hezkuntza-proiektuari eman zaio, Batxilergoko 1. maila amaitu berri duten 16-17 urteko gazteei zuzendutako udako esperientzia. 9 egunetan zehar, taldeak Irun eta Bilbo arteko ibilbidea egiten du, Donostia, Zarautz, Zumaia eta Eibar zeharkatuz. Bidean, elkarbizitza eta erantzukizunen partekatzea oinarri hartuta, parte-hartzaileek Norbera, Gizakia Helburu, T4 edo Bizitegi bezalako gizarte-erakundeak bisitatzen dituzte, gizarte-bazterkeriaren hainbat errealitate gertutik ezagutuz.
Azken etapa Bilbon egingo da, San Frantzisko eta Otxarkoaga auzoetako elkarteak bisitatuz. Bertan, genero-berdintasunaren, erlijio-aniztasunaren, pobreziaren edo osasun mentalaren arloan lan egiten duten kolektiboekin harremanetan jartzen da taldea. Esperientzia hori eraldatzailea da, eta arrastoa uzten du gazteengan eta haien istorioak eta testigantzak partekatzen dituztenengan.
La Salle Bilbon bereziki harro gaude aitorpen honekin, Izartxo gure hezkuntza-proiektuaren parte delako eta hamarkada bat baino gehiago daramalako horrelako esperientzia esanguratsuak eskaintzen. Ibilbidea Solidarioak sentsibilitate soziala, erantzukizuna, autonomia, berdintasuna eta enpatia sustatzen ditu, gazteen protagonismoan eta gertuko laguntzan oinarritutako proposamen pedagogiko batekin. Sari honek gure hezkuntza-komunitatearen konpromisoa aitortzen du, garapen integrala eta ikuspegi eraldatzailea ardatz hartuta.
