Arlera Zentruak gure ikastetxean Lehen Hezkuntzako 5. mailatik batxilergoko 2. mailara arte, uertero, Elkarbizitzerako eta Heziketa afektibo-sexualerako programa garatzen du.
Jarduera hauek sexu-dimentsioaren barruan hainbat arlo lantzera bideratuta daude, adibidez jarrerazkoak: autoestimua, sexu-rolak, bizikidetza, giza balioak, komunikazioa, familia-elkarreragina, giza-trebetasunak, heldutasun psikoafektiboa…; eta ezagutzearen arloarekin lotutakoak. Lanak kontuan hartzen ditu, uneoro, eboluzio-etapak eta lantalde bakoitzaren errealitate puntuala.
Ematen diren ikastaroekin batera, familientzako eta irakasleentzako bi hitzaldi daude. Lehenengoa programaren helburuak eta ildo metodologikoa azaltzera bideratuta dago; aldi berean, hezkuntza afektibo-sexualaren inguruan egon daitezkeen zalantzak konpontzeko baliatzen da, eta familia-ingurunean komunikazioa hobetzeko ideiak ematen dira. Bigarrena, balantze-hitzaldia da, eta bertan jarduera nola garatu den azaltzen da, ondorio orokorrak eskainiz.
Urtero memoria bat aurkezten da, egindako lan guztia jasotzen duena, ikasleengandik jasotako kezka esanguratsuenak adieraziz.
Familiei zuzendutako ikastaroak ere antolatzen dira, gabeziak konpontzeko, tresnak emateko eta elkarrekintza hobetzeko.
Gabinete horretako zuzendaria Rafael Godoy-ek, psikologo sexologoak, garatzen du lan hori ikasleekin eta familiekin.
Programa honek jarraipen bat planteatzen du egindako lana osatzeko, inplikatutako kolektibo guztiei etengabeko laguntza ematen saiatuz: ikasleei, irakasleei eta familiei.
Esteka honen bidez, ikasleek beren zalantzak argitu ditzakete harremanetarako erlaitzean.