BBVA MAKING CITIES 2030 IRABAZLEAK
Bilbon, 2024ko otsailaren 23an.
Aurten ere BBVA Making Cities 2030erako deialdian parte hartu dugu, eta Asier Caminero, Eder Díez, Unai López eta Marcos Pérezek osatutako taldeak Sormen, Originaltasun eta Berrikuntzaren Sari Berezia irabazi du “Electrobump” proiektuarekin: Deustuko auzoan energia sortuko duten badenen proposamenarekin.
Joan den otsailaren 23an, Deustuko Unibertsitatean, DBHko 3. eta 4. mailako eta batxilergoko ikasleek BBVA Making Cities 2030 deialdian parte hartu zuten, gure auzoak edo hiriak bizitzeko leku hobeak bihurtuko zituzten proiektuak aurkeztuz, Deusto cities Katedra katedraren eskutik.
Ekimen honen helburua da giza garapen iraunkorraren kontzeptua eta 2030 Agendaren, Garapen Iraunkorreko Helburuen (GJH) eta Hiri Agenda Berriaren edukiak herritarren artean zabaltzea, ikastetxeetako irakasleak eta ikasleak inplikatzen dituen proposamen baten bidez.
Edizio honetan gure ikastetxeko 7 proiektu aurkeztu ziren: DBHko 3. mailako 1, DBHko 4. mailako 2 eta Batxilergoko 1. mailako beste 4.
Jarduera honek berrogeita hamar bat ikastetxe eta irakasleen eta ikasleen artean bostehun bat pertsona biltzen ditu. Proiektuek beren hiri, udalerri edo auzoaren erronka bati edo gehiagori erantzuten diete, eta alternatibak eta irtenbideak proposatzen dituztenentzat galdera honi erantzunez: Nola egin zure hiria, udalerria edo auzoa bizitzeko leku hobea?
Gure ikasleek oso proiektu inetresanteak aurkeztu zituzten, baina bakar batek eraman ahal izan zuen saria. Hauek 1. batxilergoko 4 ikasle izan ziren, Asier, Eder, Unai eta Marcos, “Electrobump” proposamenarekin.
Hemendik zoriontzen dugu talde hau, baina baita gazte guztiak ere, beren proposamenekin etorkizun oparoan pentsatzeko aukera ematen baitigute.
Hemen uzten dizuegu ekitaldi honek beste hedabide batzuetan izan duen oihartzuna:
