Eraikin jasangarria Lehen Hezkuntzan

Eraikin jasangarria Lehen Hezkuntzan

La Salle Bilbaon sortzen dugun karbono-aztarna murrizteko hainbat jarduera jarri dugu martxan, eta, besteak beste, iturri berriztagarrietatik sortutako energia kontratatzea erabaki dugu, Next Generation funtsetatik edo Berreskuratze, Eraldaketa eta Erresilientzia Planetik lortutako laguntzari esker. Duela aste batzuk iragarri genuen bezala, eguzki-panelak jarri ditugu gure eraikinetako teilatuetan; lehenik eta behin, Bigarren Hezkuntzan, 455 Wp-ko 108 modulu jarri genituen, eta orain inbertsioa handitu dugu, Lehen Hezkuntzako eraikinean 455 Wp-ko 148 unitate jarriz, energia kontsumo jasangarri eta arduratsu bat lortzeko pauso bat gehiago emanez.

OZASANen eskutik, ikastetxeko teilatuan eguzki-panelak jarri ditugu, elektrizitatea sortu eta kontsumo propioan erabiltzeko. Sare elektrikoaren alternatiba gisa eguzki-teknologia fotovoltaikoarekin bat eginez, La Salle Bilbaon apustu sendoa egiten dugu sortutako energiaren beraren kudeaketa eraginkorraren alde, bai inbertsio ekonomiko gisa, baita gure ingurumen-inpaktua murrizteko bitarteko gisa ere.

Instalatutako eguzki-moduluek eguzki-argia erabiltzen dute energia elektrikoa sortzeko, inolako motorrik gabe eta inolako hondakin edo zaratarik eragin gabe; ezaugarri horiek guztiz bat datoz gure karbono-aztarna murrizteko helburuarekin, ikastetxearentzat eta ingurukoentzat eragozpenik sortu gabe.

Baina, zer gertatzen da sortutako elektrizitatearekin? Panelek eguzki-izpietatik metatzen duten energia guztia bihurgailu batera doa, eta horrela gure egunerokoan erabili dezakegu. Gainera, eta hori benetan interesgarria da, monitorizazio-sistemak instalazioaren funtzionamenduaren eta sortutako energiaren kudeaketa eraginkorraren urrutiko jarraipena egitea ahalbidetuko digu.

Powered By EmbedPress