Esperientzia musikal ahaztezina
La Salle ikastetxeak harro ospatu du bere bi ikaslek, Unai Delgado Batxilergoko 1. mailako ikasle eta biolin jotzaileak, eta Urtzi Goikoetxea DBH 3. mailako ikasle eta txirulariak, Euskadiko Ikasleen Orkestran (EIO) parte hartu izana.
Bi gazteak Euskal Herri osoko 14 eta 19 urte bitarteko 90 musikari ingururekin batera hautatu dituzte gazte orkestra ospetsu honetan parte hartzeko. Apirilaren 6tik, Hondarribin kontzentratuta egon dira, eta esperientzia handia bizi izan dute bertan: entseguak, bizikidetza eta ikaskuntza. Amaitzeko, kontzertuak eman dituzte Bilbon, Gasteizen eta Donostin.
Musikaren esparrutik harago, esperientzia horri esker, parte-hartzaileek lagun berriak sortu, une paregabeak partekatu eta pertsonalki zein artistikoki hazi ahal izan dute. Unai eta Urtziren ahalegina, iraunkortasuna eta pasioa islatu dira bere emanaldi bakoitzean.
La Salle ikastetxetik gure zorionik beroena helarazi nahi diegu Unai eta Urtziri lorpen honengatik, eta aitortu nahi dugu hezkuntza komunitate osoari harrotasuna dakarkiola bere talentuak, dedikazioak eta musikarekiko grinak hain helburu esanguratsuak lortzera eramaten dituela ikusteak.
Musikak jarrai diezaiola bidaide izaten eta esperientzia ahaztezinak ematen, eta inoiz ez diezaiotela musika gozatzeari utzi.
